Menningarhátíðin Vor í Árborg var haldin 21.-24. maí sl. Dagskrá hátíðarinnar var umfangsmikil og fjölbreytt, ótrúlegt framboð var af menningar- og listviðburðum í bland við skemmtanir hverskonar. Fimmtudaginn 21. maí tók Karlakór Hreppamanna þátt í dagskránni með flutningi laga og ljóða Selfyssinganna Miklósar Dalmay og Gylfa Þorkelssonar. Kórinn söng á myndlistarsýningu Jóns Inga Sigurmundssonar í Gallerý Gónhól á Eyrarbakka. Það var sérstakur heiður fyrir kórinn að syngja fyrir Jón Inga, þekktan tónlistarmann og kórstjórnanda til margra ára. Margt var um manninn á sýningu Jóns þegar kórinn söng, og atburðurinn allur hinn ánægjulegasti. Á „heimleiðinni“ kom kórinn við á sýningu áhugaljósmyndaklúbbsins Bliks við Austurveg 35-7 á Selfossi og söng þar fyrir gesti og gangandi. Þar með var kórinn kominn í sitt sumarfrí, þótt eflaust reki eitthvað á fjörurnar fram á haustið.
Tónleikar í Selfosskirkju
Skrifađ af Ađalsteinn Ţorgeirsson
miđvikudagur, 10 júní 2009
Lokatónleikar Karlakórs Hreppamanna voru haldnir í Selfosskirkju laugardaginn, 9. maí sl. Á tónleikunum söng Egill Ólafsson með kórnum og Stefán I. Þórhallsson lék undir á slagverk, auk þess sem undirleikarinn, Miklós Dalmay, stóð sína vakt sem vera ber. Hér var um að ræða nánast sömu söngdagskrá og á Vortónleikunum að Flúðum í lok apríl. Fyrst söng kórinn nokkur falleg, hefðbundin íslensk sönglög en sneri sér svo m.a. að Lokakór úr Þrymskviðu Jóns Ásgeirssonar og Hermannakór úr Il Trovatore eftir Giuseppe Verdi. Þá flutti kórinn fjögur lög eftir Miklós Dalmay við ljóð Gylfa Þorkelssonar en einnig söng Egill Ólafsson einsöng í einu lagi eftir þá félaga. Egill söng svo nokkur fleiri lög af sinni alkunnu snilld og má líkja flutningi hans og kynningu milli laga við gjörning, þar sem hann náði einstöku sambandi við áheyrendur. Lokahnykkurinn á tónleikunum var sameiginlegur flutningur Egils og kórsins á nokkrum Stuðmannalaga. Mjög góð aðsókn var að tónleikunum og góður rómur gerður að flutningnum. Selfosskirkja var þéttsetin ánægðum tilheyrendum, enda kórinn í stuði. Að loknum tónleikum héldu svo kórfélagar ásamt mökum sínum á Rauða húsið á Eyrarbakka, þar sem tekið var hraustlega til veitinga og flutt óborganleg „heimasmíðuð“skemmtiatriði í bland.
Söngveisla framundan
Skrifađ af Elín JónaTraustadóttir
mánudagur, 20 apríl 2009
Það má segja að uppskeruhátíð hafi verið hjá Karlakór
Hreppamanna s.l. laugardagskvöld 18. apríl. Þá voru vortóneikar kórsins. Edit
Molnár stýrði sínum mönnum af öryggi og snilld af vanda. Ekki skemmdi fyrir hinn
fimi píanóleikur Miklósar Dalmay en þau hjón hafa stjórnað kórnum frá upphafi
en 11 ár eru frá því að kórinn var stofnaður. Fyrri hluti tónleikanna var
hefðbundinn þar sem sungin voru lög m.a. eftir Sigurð Ágústsson, tónskáld í
Birtingaholti, Rússnesk lög o.fl. Það færðist fjör í leikinn eftir hlé. Þá
steig á stokk, Stuðmaðurinn Egill Ólafsson. Flutningur hans var frumlegur og skemmtilegur
og ýmist söng hann einn eða með karlakórnum. Á efnisskránni voru m.a. lög eftir Miklós Dalmay við texta
eftir kórfélagann Gylfa Þorkelsson. Þar kom einnig við sögu bráðfimur
trymbillinn, Stefán Þórhallsson. Þá söng Egill Bandarísk söngleikjalög og
síðan var endað með eldhressum
Stuðmannalögum. Kynnir kvöldsins var Jóhannes Sigmundsson í Syðra
Langholti. Formaður kórsins er
Aðalsteinn Þorgeirsson bóndi á Hrafnkelsstöðum.
Um 300 manns sóttu tónleikana. Tónleikarnir verða endurteknir í
Selfosskirkju 9. maí n.k. kl. 17.00. Söngveislunum í uppsveitunum er ekki lokið
þar sem Vörðukórinn mun halda tónleika í Félagaheimili Hrunamanna á Flúðum síðasta
vetrardag þann 22. apríl n.k. kl. 20.30 og Uppsveitasystur munu halda sína
tónleika ásamt fleiri kórum í
Félagsheimili Hrunamanna á Flúðum 30. apríl n.k. kl. 20.30.
Það má segja að uppskeruhátíð hafi verið hjá Karlakór
Hreppamanna s.l. laugardagskvöld 18. apríl. Þá voru vortóneikar kórsins. Edit
Molnár stýrði sínum mönnum af öryggi og snilld af vanda. Ekki skemmdi fyrir hinn
fimi píanóleikur Miklósar Dalmay en þau hjón hafa stjórnað kórnum frá upphafi
en 11 ár eru frá því að kórinn var stofnaður. Fyrri hluti tónleikanna var
hefðbundinn þar sem sungin voru lög m.a. eftir Sigurð Ágústsson, tónskáld í
Birtingaholti, Rússnesk lög o.fl. Það færðist fjör í leikinn eftir hlé. Þá
steig á stokk, Stuðmaðurinn Egill Ólafsson. Flutningur hans var frumlegur og skemmtilegur
og ýmist söng hann einn eða með karlakórnum. Á efnisskránni voru m.a. lög eftir Miklós Dalmay við texta
eftir kórfélagann Gylfa Þorkelsson. Þar kom einnig við sögu bráðfimur
trymbillinn, Stefán Þórhallsson. Þá söng Egill Bandarísk söngleikjalög og
síðan var endað með eldhressum
Stuðmannalögum. Kynnir kvöldsins var Jóhannes Sigmundsson í Syðra
Langholti. Formaður kórsins er
Aðalsteinn Þorgeirsson bóndi á Hrafnkelsstöðum.
Um 300 manns sóttu tónleikana. Tónleikarnir verða endurteknir í
Selfosskirkju 9. maí n.k. kl. 17.00. Söngveislunum í uppsveitunum er ekki lokið
þar sem Vörðukórinn mun halda tónleika í Félagaheimili Hrunamanna á Flúðum síðasta
vetrardag þann 22. apríl n.k. kl. 20.30 og Uppsveitasystur munu halda sína
tónleika ásamt fleiri kórum í
Félagsheimili Hrunamanna á Flúðum 30. apríl n.k. kl. 20.30.
